LA CORRIDA 2009 DEI PODISTI DI CASTELFRANCO vista da ZECCO

L’è al trenton, dè dla CURIDA

Al mument dla gran fadiga

A la tanda a iè un ferment

S’è mai vest c’sé tanta zent.

La SIMÔNA e GIURDANEN

Ien a sidar in dal tavlen

Chi dispensan petorii

A tot quant, sia brot che bi.

On di prem l’è al bon RUNCAJA

Cl’à la forza d’na tanaja

Po’ TACON con l’ASESOUR

Con na bursa c’la fa urour.

Intant ariva al PRESIDENT

Cal fa foto con talent

Con cal don al guardaroba

“Dai vin que, prova la tuta.”

Vè chi ariva, RUMAGNOL

Bel, slanze, l’un per n’usgnol

Con lò, sig, a iè BARTON

La coo dreta c’me un pavon.

Ecco ALFONSO al tecnologic

Lò al da vi un oget magic

L’è l’arloi sateliter

Che tot quant al fa vuler.

Tra campion e campiunzen

A iè MILESI e pò QUATREN

Pr’an scurder i CAMPADEL

RENZO MLOT e pò MURSEL.

OCCHI e GIANNI ien agite

Dal pinsir n’an gnanc magne

E pò WILLIAM, incu un pò lent

Mo in pase, al fò un gran talent.

L’entra in tanda al gran FABIEN

Cal s’lamenta cl’è malee

La CARMELA a cal vigliac

La gà fat suquant impac.

FRANCO SILBA con SIGNORA

Poi DANIELE e la sua ZDORA

MICHELANGELO e PASSUTI

A tutti quanti, benvenuti!!!

Ormai l’è l’oura d’ander

Dai zo al breg “Vat a scalder”

E po’ in fila, tot strec strec

Com sarac in dal barel.

I’an de al via, l’è al mument

Tot a corar vers CUGNENT

E po’ dop as torna indrii

Chi va ed cursa , e chi va a pii.

Me a la fag con FRANCO al COCCO

Che a la fen l’un tira al col

Mò al né grinta, lasa ster

Stera volta a un pos arfer.

Tot i’arivan trafele

Qual chi avivan i l’an druee

Chi as la menta , chi è cuntent

An s’è mai vest tanta zent.

Po’ as caven la roba moja

Du cument par chi nà voja

“Mè a gò mes un’oura e tri”

“Mo sta zet, và là và vii.

È pase anc la CURIDA

La fadiga l’è finida

On par on as saluten

Ciao, adio, và là a se vden.

Mi scuso con coloro a cui, per licenze poetiche, ho storpiato un po’ il nome.

Un abbraccio ZECCO

______________________________________________________________________________________________________